12/10/2015   100 ՏԱՐԻ ԱՆՑ, Սփյուռք   No comments

Հայոց ցեղասպանության 100-րդ տարելիցին նվիրված խաչքար Արգենտինայում

Հոկտեմբերի 10-ին Բուենոս Այրեսի Վիսենթե Լոպես քաղաքում, ի հիշատակ Հայոց ցեղասպանության 100-րդ տարելիցի, խաչքար է տեղադրվել: Այս մասին «Հայերն այսօրը» տեղեկանում է Արգենտինայի իր աղբյուրներից:  Նախաձեռնողները Վիսենթե Լոպեսում ապրող հայերն են, որոնց աջակցել է տեղի քաղաքապետարանը:

Խաչքարի բացման արարողությանը ներկա են եղել Արգենտինայում ՀՀ դեսպան Ալեքսան Հարությունյանը, երեսփոխաններ, համայնքային ներկայացուցիչներ և աշակերտներ: Խաչքարի օրհնության կարգը կատարել է Բուենոս Այրեսի Սուրբ Գրիգոր Լուսավորիչ եկեղեցու հոգևոր հովիվ Հոգեշնորհ Տեր Մաղաքիա վարդապետ Ամիրյանը:

Ելույթ են ունեցել Վիսենթե Լոպեսի հայ համայնքի վարչության ատենապետ Ջորջ Թոսունյանը և քաղաքապետ Ջորջ Մաքրին: Ընթերցվել է ՀՀ սփյուռքի նախարար Հրանուշ Հակոբյանի շնորհավորական նամակը:

Հանդիսության գեղարվեստական մասում ելույթ են ունեցել երգչուհիներ  Ալինը և Թալինը, «Նաիրի»  պարախումբը:

Հանդիսության ավարտին Օֆելյա Դերձակյանը հայ համայնքի կողմից Վիսենթե Լոպեսի քաղաքապետին հուշատախտակ է հանձնել:

 a3a-1

  1. Հայոց Մեծ Եղեռնի զոհերի հիշատակին նվիրված հուշ-երեկո Ջավախքում
  2. (Արևմտահայերեն) Նախարար Քէնիի Հետ Քննարկուեցան Մեծ Եղեռնի 100-ամեակի Համագանատական Ծրագիրները
  3. «Ակունք» պարախմբի ելույթը` նվիրված Հայոց Ցեղասպանության 100-րդ տարելիցին
  4. Հայոց ցեղասպանությանը նվիրված լուսանկարների ցուցահանդես Ալմելոյում
Scroll Up