Հունահռոմեական ոճի ըմբշամարտի աշխարհի չեմպիոն Արթուր Ալեքսանյանը պահպանեց աշխարհի չեմպիոնի տիտղոսը: Եզրափակչում մեր մասնակիցը մրցում էր իր հիմնական մրցակից, Իրանի ներկայացուցիչ Գազեմ Գոլամռեզա Ռեզաեի հետ: Ալեքսանյանն անկասելի էր և հաղթեց 3­-0 հաշվով:

Ալեքսանյանն արդեն երկու տարի է լավագույնն է աշխարհում: Հիշեցնենք, որ Ալեքսանյանը պահպանեց իր չեմպիոնական կոչումը, որը նա նվաճել էր 2014 թվականին` Տաշքենտում:

Հայաստանի մյուս ներկայացուցիչ 66 կգ քաշային Միհրան Հարությունյանը բրոնզե մեդալի համար պայքարում պարտվեց:

Հավելենք, որ Աշխարհի առաջնությունն անցկացվում է ԱՄՆ-­ի Լաս Վեգաս քաղաքում: Նախաօլիմպիական այս տարում աշխարհի այս առաջնությունը վարկանիշային է և այստեղ կխաղարկվեն 16 օլիմպիական ուղեգրեր:

Մեր հավաքականի կազմում արդեն Ռիոյի Օլիմպիական խաղերի համար վարկանիշ ունեն Արթուր Ալեքսանյանը և Միհրան Հարությունյանը: