Հուլիսի 26-ին «Սփյուռք ամառային դպրոց» ծրագրի Սփյուռքի լրագրողների դասընթացի մասնակիցների հետ հանդիպում ունեցավ ՀՀ սփյուռքի նախարարության Մամուլի և հասարակայնության հետ կապերի վարչության պետ Էվելինա Բաղդասարյանը:

Տիկին Էվելինան նախ ծանոթացավ սփյուռքահայ լրագրողների հետ, ներկայացրեց Մամուլի և հասարակայնության հետ կապերի վարչության գործառույթները և այն ամենօրյա աշխատանքը, որն իրականացնում է վարչությունը:

Վարչության պետը խոսեց նաև Հայաստան-Սփյուռք գործակցության մասին,

անդրադարձավ հայապահպանության, ազգային ներուժի համախմբման, համահայկական խնդիրները վեր հանելու գործում լրագրողների կատարելիք աշխատանքներին: Կարևորեց լրագրողների համագործակցությունը ինչպես ՀՀ սփյուռքի նախարարության, այնպես էլ «Հայերն այսօր» պարբերականի հետ:

Հանդիպման ընթացքում Էվելինա Բաղդասարյանը լսեց մասնակիցների առաջարկները և պատասխանեց լրագրողների հարցերին:

Լ. Աբրահամյան, Ծաղկաձոր