Ապրիլի 24-ին Իսպանիայի Ալիկանտե քաղաքում տեղի ունեցավ Հայոց ցեղասպանության 101-րդ տարելիցին նվիրված ոգեկոչման ձեռնարկ: Ներկա էին քաղաքապետարանի ներկայացուցիչներ, քաղաքապետի խորհրդատու Գլորիա Վերան, հայ համայնքի ներկայացուցիչներ:

Տեղի ունեցավ երթ մինչև Հայոց ցեղասպանության զոհերին նվիրված խաչքարի մոտ:  Այս մասին «Հայերն այսօրին» տեղեկացնմում է Ալիկանտեի հայկական համայնքի ղեկավար Հասմիկ Քոչարյանը:

Խաչքարի մոտ կազմակերպվեց փոքրիկ ցուցահանդես՝ երեխաների մասնակցությամբ: Փոքրիկները մեծ պաստառների վրա բռնել էին Ցեղասպանությունը ներկայացնող լուսանկարներ, նրանք նաև ասմունքեցին:

Ձեռնարկին ընթերցվեց դատապարտող նամակի տեքստը՝ ուղղված Թուրքիայի և Ադրբեջանի կառավարություններին:

Ձեռնարկի վերջում ներկաները ծաղիկներ խոնարհեցին խաչքարին: