29/07/2015   100 ՏԱՐԻ ԱՆՑ   No comments

Արգենտինական Սան Մարտին թատրոնի նվագախումբն իր համերգը նվիրում է Հայոց ցեղասպանության 100-րդ տարելիցին

Բուենոս Այրեսի Սան Մարտին թատրոնի  նվագախումբը օգոստոսի 1-ին Հայոց ցեղասպանության 100-րդ տարելիցին նվիրված համերգ կներկայացնի, որի ընթացքում  հայկական ստեղծագործություններ կկատարվեն:

Ինչպես տեղեկացնում է Tert.am-ը` վկայակոչելով թատրոնի կայքը` նվագախումբը ղեկավարելու է հրավիրված երիտասարդ դիրիժոր Նիկոլաս Ագուլյոն, ով ներկայում բնակվում է Ֆրանսիայում, մինչդեռ նվագախմբի ղեկավար, կոմպոզիտոր և դիրիժոր  Ջեֆ Մանուկյանը կստանձնի մենակատար դաշնակահարի դերը:  Համերգի ընթացքում կհնչեն Արամ Խաչատրյանի «Կոնցերտ դաշնամուրի և նվագախմբի համար» ստեղծագործությունը, իսկ Ագուլյոն կղեկավարի  Մանուկյանի հեղինակած «Հայաստանյան երգեր»  ստեղծագործությունը` մշակված նվագախմբի կատարման համար:

Համերգային ծրագրում ներառված են նաև ֆրանսիական երաժշտական ստեղծագործություններ, ինչպիսիք են Մորիս Ռավելի «Բոլերոն» և Կլոդ Դեբյուսիի «Իբերիան»:

  1. Այսօր Ծիծեռնակաբերդում տեղի կունենա «Սև ապրիլ» նախագծի Remember երգի տեսահոլովակի նկարահանումը
  2. «Գրական տապան. ապրիլ» միջազգային փառատոն. բացումը՝ վաղը
  3. «Հիշողության 100 տարի» համերգը Փարիզում նվիրված է Ցեղասպանության զոհերի հիշատակին
  4. «Հայաստան. 100 տարի անց» լուսանկարների ցուցահանդես Բարսելոնայում
Scroll Up