Աւստրալահայ    քաղաքական գործիչ Կլատիս Պերեճիկլեան դարձած է Նոր Հարաւային Ուելս   նահանգի  առաջին կին    գանձապետը:    Անոր վերահսկողութեան    տակ պիտի   ըլլայ 70  միլիար  աւստրալական   տոլար     ծաւալով նահանգային պիւտճէն:

«Արմէնփրէս»ի­     փոխանցմամբ  Հայ    դատի    Աւստրալիոյ յանձնախումբն իր ֆէյսպուքեան էջին վրայ այս մասին գրառում    կատարած   է եւ   շնորհաւորած   հայ    պաշտօնեան:    Յանձնախումբը կը նշէ, որ անհամբերութեամբ կը սպասէ  նահանգային նոր կառավարութեան հետ աշխատանքներուն,   որուն   ընթացքին   հնարաւոր   պիտի  ըլլայ անդրադառնալ աւստրալահայ համայնքի համար կարեւորութիւն ներկայացնող հարցերուն:

Աւստրալահայ   քաղաքական   գործիչ   Կլատիս   Պերեճիկլեան   կը   զբաղեցնէր Նոր     հարաւային Ուելս նահանգի փոխադրամիջոցներու    նախարարի  պաշտօնը:    Ան նահանգի   ազատական կուսակցութեան փոխնախագահն է: Ծնած է Սիտնէյ 1970 թուականին: