Հայերը իրենք  միտումնաւոր Ապրիլ 24-ը յարմարեցուցած են այնպէս, որպէսզի այն համընկնի Կալիպոլիի ճակատամարտի տարեդարձի օրուան հետ: Այս մասին ըստ NEWS.am-ի` յայտարարած է Թուրքիոյ նախագահ Ռաճէպ Թայիպ Էրտողան` ֆրանսական France 24-ին տուած հարցազրոյցին:

Էրտողան յիշեցուցած է, որ այս տարի Թուրքիան կը նշէ Կալիպոլիի ճակատամարտի 100-րդ տարեդարձը եւ չի պատրաստուիր ատոր համար թոյլտուութիւն խնդրել Հայաստանէն:

«Ասիկա պատմական ամսաթիւ է, եւ այն բացարձակապէս կապ չունի Հայաստանի մէջ ձեռնարկներուն հետ: Ճիշդ հակառակը, անոնք ամսաթիւը այնպէս  յարմարեցուցած են, որպէսզի այն համընկնի մեր ամսաթիւին հետ»,-յայտարարած է Էրտողան:

Անոր խօսքով` երբ խօսքը կը վերաբերի Հայաստանի եւ Թուրքիոյ միջեւ առկայ խնդիրներուն, «Թուրքիան միշտ ըրած է դրական քայլը» եւ խաղաղութեան ձեռք մեկնած:  Իսկ Հայաստան,   անոր   կարծիքով,   «Երբեք չէ ընդունած խաղաղութեան ձեռքը»: