Հայոց ցեղասպանութեան հարիւրերորդ տարելիցին օրը` Ապրիլ 24­-ին, Ֆրանսայի նախագահ Ֆրանսուա Օլանտ կ’այցելէ Երեւան: Այս մասին կը տեղեկացնէ Ֆրանսայի հայկական Nouvelles d’Armenie լրատուականը:

Օլանտն իր այս որոշման մասին  յայտարարած է Յունուար 28­-ին Ֆրանսայի հայկական կազմակերպութիւններու համակարգող խորհուրդի ամենամեայ ընթրիքի ժամանակ: Ֆրանսայի նախագահը համոզում  յայտնած է, որ ճշմարտութեան համար մղուող պայքարը պէտք է շարունակուի: «Կը հաւատամ, որ Ցեղասպանութեան հարիւրերորդ տարելիցը ատոր ճանաչման համար նոր փուլ կրնայ դառնալ»,­ ըսած է Օլանտ: Ֆրանսայի հայկական կազմակերպութիւններու համակարգող խորհուրդի ամենամեայ ընթրիքին ներկայ եղած են նաեւ Ֆրանսայի ներքին գործոց նախարարը, Եւրոպայի հարցերով պատասխանատու նախարարը, Փարիզի քաղաքապետը եւ այլք: