Առաջին անգամ Հոլանտայի  ՀՀ դեսպանութեան օժանդակութեամբ Հայաստանի
Հանրապետութեան անկախութեան 23-ամեակին առիթով  տեղի
պիտի ունենայ «Թաթուլ Ալթունեանի անուան երգի-պարի վաստակաւոր խումբի»
համերգը: Այս մասին կը հաղորդէ «Նիտերլանտական Օրագիր»-ը:

Բացառիկ հնարաւորութիւն ներկայ գտնուելու  հայ ազգային երգ ու պարի
կատարումներով աչքի  ինկած վաստակաւոր պարախումբի համերգին:

Հայաստանի Հանրապետութեան անկախութեան 23-ամեակին առիթով,
Հոլանտայի մէջ ՀՀ դեսպանութեան կողմէ Հաագայի մէջ կը կազմակերպուի
«Թաթուլ Ալթունեանի անուան երգի-պարի վաստակաւոր խումբի» համերգը:

Համերգը տեղի պիտի ունենայ հոկտեմբեր 13-ին`, ժամը 19:30-ին, Հաագայի
Լուսենթ համերգասրահին մէջ (հասցէ`Lucent Theater, Spuiplein 150, Den
Haag):

Ձեռնարկը պատշաճ մակարդակով իրականացնելու եւ տոմսեր ձեռք բերելու համար
կը խնդրուի նախօրօք դիմել տեղի համայնքներու ղեկավարներուն, որոնք  մինչեւ
ս.թ սեպտեմբեր 25 տոմսերու քանակին մասին կը տեղեկացնեն Հոլանտայի
ՀՀ դեսպանութեան մէջ: Կը նախատեսուի  նաեւ տոմսերու ազատ վաճառք  համերգասրահի տոմսարկղէն: