Նախաձեռնութեամբ Հ.Բ.Ը. Միութեան Լոնտոնհ մասնաճիւղին հովանաւորութեամբ ՀՀ Մեծն Բրիտանիայի Դեսպանութեան,Մեծն Բրիտանիայի և Իռլանտայի Թեմի Առաջնորդարանին և Մեծն Բրիտանիայի Հայոց Համայնական Խորհուրդին Արամ Խաչատուրեան Եռանուագը Համերգով մը պիտի նշե Արամ Խաչատուրեանի Ծննդեան 110-ամեակը Չորեքշաբթի, 28 Մայիս, 2014-ին, երեկոյեան ժամը 7.30-ին, Սուրբ Եղիշե եկեղեցի-համերգասրահին մեջ:

Խաչատուրեան Եռանուագն իր անդրանիկ նուագահանդեսը տուաւ Լոնտոնի մեջ, դարձեալ Հ.Բ.Ը.Մ.ի նախաձեռնութեամբ, չորս տարի առաջ, արժանանալով ունկնդիրներու և քննադատներու բարձր գնահատանքին:

Մայիս 28-ի համերգը բացառիկ առիթ մը պիտի  տայ լոնտոնահայութեան, ունկնդրելու հայ անուանի երաժիշտներու առինքնող ստեղծագործութիւնները, զորս պիտի կատարեն աշխարհի լաւագոյն արուեստագէտներէն՝  Արամ Խաչատուրեան Եռանուագի անդամները, յանձինս Արմինէ Գրիգորեանի, Կարէն Շահգալդեանի և Կարէն Քոչարեանի Համերգին իր մասնակցութիւնը պիտի բերե նաև  Լոնտոնի Արքայական Օփերայի երգչուհի Սոփրանօ Անոյշ Յովհաննիսեան Ստորև կու տանք քանի մը մեջբերում այն յօդուածեն, զոր գրած ենք ատենին, Խաչատուրեան Եռանուագի Լոնտոնի մեջ 22 Մայիս, 2010-ին տուած առաջին նուագահանդեսի առիթով :

«Սովորական համերգի մը կամ գեղարուեստական հաւաքոյթի մը մասին գրելը դիւրին է: Բայց ինչ որ տեղի ունեցաւ Ս. Եղիշե եկեղեցի-համերգասրահին մեջ շաբաթ, 22 Մայիսին, սովորական ածականով տարազուելու տուեալներեն բոլորովին զուրկ էր և կրնար միմիայն ՀԻԱՍՔԱՆՉ բառով բնութագրուիլ : Իսկ «հիասքանչ» նուագահանդեսի մը մասին գրելը չափազանց դժուար է: Հարազատ գոյներով ինչպե՞ս վրձնել Խաչատուրեան Եռանուագին պարգևած երաժշտական գերագոյն վայելքին պատկերը. պատկեր, որ հարուստ էր յոյզերու և ապրումներու ռոսլինեան և սարեանական գոյներով: Ի՞նչ տարազ հագցնել այն գգացումին, որ կը ծնի դաշնամուրի, ջութակի և թաւջութակի առինքնող ու հմայիչ  ձայներու կրքոտ գիրկընդխառնումեն…: Բառերով ինչպե՞ս ներկայացնել այն գգացումը, որ ամբողջ էութիւնդ կը վերածե մեջդ կուտակուած ապրումներու համագումարեն ծնած յոյզերու ծովու մը, ուր ձայնային հիասքանչ ալիքներ, գեղեցիկ հուրիներու պես ձեռք ձեռքի բռնած, կը պարեն»:

«Եռանուագի գործիքներեն ժայթքող ձայնային ջրվեժները,  բնականաբար, կը պատկանին առաջին հերթին  զիրենք յօրինող երաժիշտներուն: Խաչատուրեան Եռանուագին մեծութեան գաղտնիքներեն մեկն ալ այն է, որ անոր անդամները գիտեն խորասուզուիլ այդ հեղինակներու ապրումներուն մեջ, ներթափանցել անոնց գգացումներուն ներաշխարհը, մտնել կատարուող ստեղծագործութեան խորքը, քաղել հոն ամբարուած զգլխիչ երաժշտական թրթիռները, մերուիլ անոնց հետ և ապա՝ կատարողական անթերի վարպետութեամբ բաշխել զանոնք ունկնդիրներուն՝ յօրինողին ապրումները համաձուլելով իրենց ապրումներուն հետ»:

«Մայիս 22-ին, Խաչատուրեան Եռանուագին անդամները,  յանձինս Արմիե Գրիգորեանի, Կարեն Շահգալդեանի , Կարեն Քոչարեանի՝ երեքն ալ հռչակաւոր արուեստագետներ իրենց բնագաւառներուն մեջ, անգամ մը ևս ստեղծեցին  գրեթե կատարելութեան հասնող երաժշտական միասնութիւն մը, որ ծնաւ իւրաքանչիւր արուեստագետի նրբազգացողութեան , կատարողական վարպետութեան և «հնչիւններու ջերմութեան»  միաձուլումեն: Ընդգծենք նաև այն, որ այսօր աշխարհի մեջ չկայ  trio  մը, որ ունենայ Խաչատուրեան Եռանուագին հարուստ նուագացանկն ու ոճային այլազանութիւնը»:

Ասատուր Կիւգելեան

Լոնտոն