Մեկնարկեց «Արի Տուն» Ծրագիրի Վերջին Փուլը

Օգոստոս 19-ին մեկնարկեց ՀՀ սփիւռքի նախարարութեան` Սփիւռքի երիտասարդներու հայրենաճանաչութեան  «Արի տուն» 2014թ ծրագիրի վերջին` 8-րդ փուլը:

Ծրագիրի մասնակիցներուն ՀՀ սփիւռքի նախարարի անունով ողջունեց նախարարի տեղակալ Սերժ Սրապիոնեան: Ան մասնաւորապէս նշեց. «Ուրախ եմ ձեզ փոխանցել նախարարի ողջոյնը: Ձեր երազանքը իրականութիւն է դարձել, եւ դուք արդէն հայրենիքում էք: Այն օրերը, որ անցկացնելու էք Հայաստանում, անմոռաց են լինելու, շարունակուելու է կապը նոր ընկերների հետ, իսկ ընկերների շրջանակը թէ՛ տարածքային, թէ՛ քանակային առումով մեծանալու է: Նաեւ հայերէն էք սովորելու, ինչը շատ կարեւոր է: Հայերէնը մեր ինքնութեան խորհրդանիշն է: Հայրենիքում գտնուելու այս օրերին շփուէք միայն հայերէնով»:

Նախարարի տեղակալը շնորհակալութիւն յայտնեց մասնակիցներու ծնողներուն եւ հիւրընկալ ընտանիքներուն վստահութեան, համագործակցութեան համար:

Աւանդոյթի համաձայն նախարարի տեղակալը «Արի տան» շապիկ հագցուց ծրագիրի ամենակրտսեր մասնակիցին` 13 ամեայ Սերպան Ճորճ Լազարովիան Ռումանիայէն:

Մասնակիցները դիտեցին «Արի տուն» շարժանկարը:

«Արի տուն» ծրագիրը կ’իրականացուի 2009 թուականէն: Մեկնարկի տարուան Հայաստան  այցելած է աշխարհի 14 երկրէ 14-25 տարեկան 317, իսկ 2010թ.` 560 երիտասարդ` աշխարհի 26 երկրէ: 2011թ. «Արի տուն» կանչով Հայաստան եկաւ աւելի քան 812 սփիւռքահայ պատանի` 35 երկրէ, 2012 թ.` 912  երիտասարդ` 40 երկրէ, 2013- -ին` 924 սփիւռքահայ` 36 երկրէ: Այս տարի ծրագիրին մասնակցած է 1075 պատանի եւ աղջիկ աշխարհի 38 երկրէ: Առաջին անգամ ծրագիրին մասնակցած է Տիգրանակերտի իսլամացած հայերու 48 հոգինոց խումբը, Արցախէն 80 եւ  Սիսիանէն 16 պատանի եւ աղջիկ:

Ծրագիրի վերջին` 8-րդ փուլին մասնակցելու համար Հայաստան  ժամանած է 13-18 տարեկան  սփիւռքահայ 45 պատանի ու աղջիկ` ՌԴ-էն, Վրաստանէն, Սպանիայէն, Գերմանիայէն,  Պելճիգայէն, Լեհաստանէն, Պուլկարիայէն, Ռումանիայէն,  Լիբանանէն, Սուրիայէն:

Ծրագիրի մասնակիցները 9 օրուան ընթացքին կը ծանօթանան Հայաստանի պատմական եւ տեսարժան վայրերուն, կ’ունենան բազմաբնոյթ հանդիպումներ պետական, հասարակական եւ մշակութային գործիչներու հետ, հայրենագիտութեան դասեր կ’առնեն Հայրենիքի մէջ, կը սորվին  ազգային պարեր եւ երգեր: Նախորդ փուլերուն պէս այս փուլին մէջ եւս կը նախատեսուի 4-օրեայ ճամբարային ծրագիր Ծաղկաձորի մէջ:

Scroll Up