Մայիս 23-ին ՀՀ սփիւռքի նախարար Հրանոյշ Յակոբեան ընդունեց Ռումանիոյ Հայոց միութեան նախագահ Վարուժան Ոսկանեանը եւ Ռումանիոյ ՀՀ դեսպան Համլէտ Գասպարեանը:

Հանդիպման ընթացքին քննարկուեցան Ռումանիոյ մէջ սփիւռքահայ ներուժի համախմբման, համայնքային կեանքի կազմակերպման խնդիրները, ուղենշուեցան համագործակցութեան յետագայ քայլերը:

Նախարար Հրանոյշ Յակոբեան նշեց, որ աշխարհի բոլոր ծայրերուն մէջ ապրող հայերը համահայկական առաջնահերթութեան խնդիրներու լուծման հարցին մէջ պէտք է համախմբուած ըլլան: Քննարկուեցաւ Հայոց ցեղասպանութեան 100-րդ տարելիցին ընդառաջ ձեռնարկներու ընթացքը:

Ռումանահայ քաղաքական գործիչ, տնտեսագէտ եւ գրող Վարուժան Ոսկանեան Պուխարեստի տնտեսական ուսումնասիրութիւններու ակադեմիոյ միջազգային յարաբերութիւններու բաժանմունքի դասախօս է, 2005թ-էն Ռումանիոյ գրողներու միութեան փոխնախագահն է, Ռումանիոյ տնտեսութեան միութեան հիմնադիրն ու նախագահը, կանխատեսումներու ազգային հիմնարկի գիտական խորհուրդի պատուաւոր անդամ, տնտեսութեան ազգային հիմնարկի  բարձրաստիճան գիտաշխատող:

Ոսկանեան տնտեսագիտական, քաղաքական, գեղարուեստական գիրքերու հեղինակ է: Հայազգի քաղաքական գործիչը նաեւ Ռումանիոյ հումորիստներու ընկերակցութեան անդամ է: 2009թ. տպագրած է  Հայոց Ցեղասպանութիւնը վերապրած եւ Ռումանիոյ մէջ հաստատուած հայերուն նուիրուած §Շշուկներու մատեան» գիրքը, որ  թարգմանուած է  շարք մը լեզուներու: