Թուրքիոյ վարչապետ Ռեճէպ Էրտողանը իր նախաապրիլքսանչորսեան գրաւոր աննախադէպ յայտարարութենէն քիչ ետք, երբ այն արդէն դարձած էր համաշխարհային լրահոսին մէջ կարեւոր տեղեկութիւններէն մէկը, ինչպէս նաեւ` թրքական շրջանակներու քարոզչական զէնք, թուրք հանրութեան համար արդէն սրբագրեց իր, այսպէս կոչուած, ցաւակցութիւնը:

Այս երկրին մէջ ապրիլ 23-ը կը նշուի որպէս Երեխաներու օր: Խորհրդարանէն ներս տօնական պաշտօնական հանդիսութենէն ետք  լրագրողներուն հետ հանդիպման ան պարզաբանած է, թէ ցաւակցութիւն յայտնած է ոչ միայն հայերուն:

«Այդ ընթացքին մահացած օսմանցիներու թոռներուն ալ կը ցաւակցիմ: Նոյն թուականին միայն հայեր չէ, որ սպաննուած են. նաեւ` թուրքեր, պոսնացիներ, ալպանացիներ, լազեր: Բոլորի հոգիներուն խաղաղութիւն կը մաղթեմ: Անոնց յիշատակը ոգեկոչելէն  բնական ի՞նչ կրնայ ըլլալ: Սակայն, ցաւօք, շատերը ատիկա կ’օգտագործեն որպէս գործիք, ինչ որ սխալ է, եւ մենք ատոր դէմ  հանդէս եկած ենք, ու միշտ ընդգծած ենք ատիկա: Մեր ընելիք քայլէն աւելի կարեւոր է հակառակ կողմի ընելիք քայլը…»,- աւելի ուշ Էրտողան այսպէս պարզաբանած է ուղերձը:

ի դէպ, Էրտողանի`  քանի մը լեզուներով, մէջը ըլլալով` շատ վատ թարգմանուած արեւելահայերէնով ու արեւմտահայերէնով այսօր աւելի կանուխէն տարածուած յայտարարութեան թարգմանութիւնը ակնյայտօրէն կատարուած է համակարգչային, թերեւս Google Translate ծրագիրով:

www.yerkirmedia.am