Ապրիլ 2-ին ՀՀ սփիւռքի նախարար Հրանոյշ Յակոբեան զրուցած է Քեսապի քաղաքապետ Վազգէն Չափարեանի հետ, հետաքրքրուած քեսապահայութեան վիճակով, զօրքի հնարաւոր յառաջխաղացմամբ:

Քեսապի քաղաքապետը հաւաստիացուցած է, որ այս օրերուն ժողովուրդը աւելի հանգիստ է, օգնութիւն կը ստանայ, իսկ բանակը քայլ առ քայլ առաջ կը
շարժի:

38 պատանդներէն ազատ արձակուած են 24-ը, մնացած 14-ի կապակցութեամբ բանակցութիւնները դեռեւս կը շարունակուին:

Քեսապի քաղաքապետ Վազգէն Չափարեան շնորհակալութիւն  յայտնած է բոլոր համահայկական կառոյցներուն, հայ եկեղեցւոյ միջազգային ու պետական կազմակերպութիւններուն աջակցութեան ու  օգնութեան համար, որուն աշխուժօրէն կը հետեւին, ու յոյս  յայտնած է, որ շուտով այս համատեղ պայքարը դրական ելքով աւարտ կ’ունենայ: