Չեչնիոյ Հանրապետութեան նախագահ Ռամզան Գատիրովը յայտարարած է, որ Սուրիոյ Քեսապ աւանի վրայ յարձակած ահաբեկիչները ոչ մէկ ընդհանուր բան չունին իսլամի հետ, կը գրէ ԻՏԱՌ ՏԱՍՍ գործակալութիւնը:

Բնակավայրը տեղակայուած է անմիջապէս Թուրքիոյ հետ սահմանին, եւ հէնց այդ երկրի տարածքէն  սկսած են գրոհայիններու յարձակումները:

Instagram ծառայութեան Գատիրովը, մասնաւորապէս, նշած է. «Պաշտօնական տուեալներով` Քեսապի վրայ յարձակման մասնակցած են «Ալ Քայիտա» խմբաւորման գրոհայիններ, այսպէս կոչուած` «Ալ Նուսրայի ճակատ» եւ «Իսլամական ճակատ» խմբաւորումները: Ես ամբողջ պատասխանատուութեամբ, հիմնուած իրավիճակի վրայ, կը յայտարարեմ, որ այդ ահաբեկիչները ոչ մէկ ընդհանուր բան չունին իսլամի հետ: Անոնք մուսուլման չեն»:

Ան դժգոհած է, որ եւրոպական երկիրներու եւ ԱՄՆ-ի իշխանութիւնները կը լռեն:
«Որտե՞ղ է Եւրոպայի եւ ԱՄՆ-ի ժողովրդավարութիւնը: Ինչու՞  անոնք կը լռեն: Ինչու՞  հարիւրաւոր տոլարներ, զէնք եւ յատուկ միջոցներ կը տրամադրեն գրոհայիններուն, որոնք դէմ են Սուրիոյ օրինական իշխանութիւններուն, կը սպաննեն կանանց, ծերերուն, երեխաներուն: Քանի՞ հազար սուրիացի դեռ պէտք է սպաննուի, որպէսզի ՆԱԹՕ-ի երկիրները դադրին ահաբեկիչներուն աջակցելէ»,- գրած է Գատիրով:

http://www.tert.am/