Խոր ցաւով տեղեկացայ ՀՀ վաստակաւոր ճարտարապետ Ճիմ Թորոսեանի մահուան մասին: Խնդրում եմ ընդունէք իմ անկեղծ եւ սրտակից ցաւակցութիւնները:

Անդառնալի այս կորստի դժուարին պահին խորապէս կիսում եմ Թորոսեան ընտանիքի վիշտը, որն իրականում համայն հայութեան վիշտն է:

Ճիմ Թորոսեանը հայ ժողովրդի տաղանդն ու մեծութիւնը մարմնաւորող այն անձն էր, որն իր ողջ կեանքը նուիրաբերեց արուեստին եւ ձեւաւորեց իր` թորոսեանական դպրոցը:

Նրա ստեղծագործութիւնները նոր բարձրութեան հասցրին հայ ճարտարապետութիւնը` հպարտութեան զգացում ծնելով Հայրենիքում եւ Սփիւռքում ապրող մեր հայրենակիցների սրտերում:

Ի դէմս Ճիմ Թորոսեանի` նրան ճանաչող իւրաքանչիւրս նախ եւ առաջ կորցրեց գեղեցիկ ներաշխարհ, ճարտարապետական բարձր ճաշակ ունեցող արուեստագէտի, ընկերոջ, բարեկամի, հարազատի, պարզապէս բարի մի մարդու, որի բացակայութիւնը զգացուելու է անընդհատ:

Ճիմ Թորոսեանի անունն ու յիշատակը միշտ վառ է մնալու նրան ճանաչողների յիշողութիւններում:

ՀՐԱՆՈՅՇ ՅԱԿՈԲԵԱՆ