Wnews.am-ը կը շարունակէ ներկայացնել յայտնի կանանց ոճը:

Այս անգամ կայքը անդրադարձած է  ՀՀ սփիւռքի նախարար Հրանոյշ Յակոբեանին: Ան երկար տարիներ կը  գտնուի քաղաքականութեան մէջ եւ լաւ գիտէ պաշտօնեայ կանանց dress code-ի մանրամասները:

Կիրառական մաթեմաթիքայի բաժանմունքը աւարտած նախարարի կերպարներն ալ մաթեմաթիքայի  պէս ճշգրիտ են` ուղիղ ձեւուածքներ, եռանկիւնաձեւ բացուածքներ` առանց շեղումներու եւ աւելորդութիւններու: Ան բաւականին բարձրահասակ է, այդ պատճառով, սովորաբար, կը կրէ ցած կրունկով կօշիկներ, իսկ մարգարտեայ շղթան ՀՀ սփիւռքի նախարարի սիրելի զարդն է եւ առկայ է գրեթէ բոլոր կերպարներուն մէջ: Հրանոյշ Յակոբեանի զգեստապահարանին  մէջ շատ են ինքնատիպ զգեստները (costume):