Հոկտեմբեր 27-ին ՀՀ սփիւռքի նախարար Հրանոյշ Յակոբեան ընդունեց Չեխիոյ «Ուրարտու» հայ-չեխական ընկերութեան նախագահ Ալեքսանտր Սարգսեանը:

Ողջունելով հիւրը` ՀՀ սփիւռքի նախարարը բարձր գնահատեց Ա.Սարգսեանի կողմէ Չեխիոյ հայ համայնքին մէջ իրականացուող հայապահպան գործունէութիւնը:

Շնորհակալութիւն յայտնելով ջերմ ընդունելութեան համար` Ալեքսանտր Սարգսեան ներկայացուց Չեխիոյ մէջ Հայաստանի եւ Լեռնային Ղարաբաղի հանրապետութիւններու անկախութեան 25-ամեակին առթիւ կազմակերպուած ձեռնարկները եւ պատրաստակամութիւն յայտնեց առաւել համակողմանի եւ լայն գործակցութեան:

 Նախարար Հրանոյշ Յակոբեան ներկայացուց ՀՀ սփիւռքի նախարարութեան ծրագիրները: Քննարկուեցան յատկապէս «Արի տուն» ծրագիրին, «Սփիւռք» ամառնային դպրոցին Չեխիոյ հայ համայնքի մասնակցութեան աշխուժացման վերաբերող հարցեր:

 Երկուստեք կարեւոր համարուեցան Հայաստան-Սփիւռք կապերու ամրապնդման ու զարգացման միտուած նախաձեռնութիւններու իրագործումը Հայրենիքի եւ Սփիւռքի մէջ: