ՀՀ սփիւռքի նախարարը ընդունեց ՀՀ-ի մէջ ԻԻՀ արտակարգ եւ լիազօր դեսպան Մոհամմատ Ռէիսին

Սեպտեմբեր 22-ին ՀՀ սփիւռքի նախարար Հրանոյշ Յակոբեան ընդունեց Հայաստանի Հանրապետութեան մէջ Իրանի Իսլամական Հանրապետութեան արտակարգ եւ լիազօր դեսպան Մոհամմատ Ռէիսին, որ կ’աւարտէ իր դիւանագիտական առաքելութիւնը մեր երկին մէջ:

 Ողջունելով դեսպանը` նախարարը բարձր գնահատեց հայ-իրանական յարաբերութիւններու ասպարէզին մէջ ունեցած անոր ներդրումը եւ երախտագիտութիւն յայտնեց պաշտօնավարման ընթացքին իրանահայութեան հետ նախարարութեան իրականացուցած համայնքային ծրագիրներուն եւ այլ ձեռնարկներուն աջակցելուն համար:

 «Ուրախ եւ երախտապարտ եմ արդիւնաւէտ համագործակցութեան եւ այն անկեղծ վերաբերմունքի համար, որ ցուցաբերել էք  Դուք Հայաստանի եւ հայութեան հանդէպ, – նշեց նախարարը` վստահութիւն յայտնելով, որ ապագային եւս ան իր իմացութիւններով պիտի նպաստէ հայ-իրանական կապերու զարգացման:

 Շնորհակալութիւն յայտնելով նախարարին ջերմ խօսքերուն եւ գնահատանքին համար` դեսպան Մուհամմատ Ռէիսին ըսաւ, որ մեծ յարգանք ու սէր կը տածէ հայ ժողովուրդին հանդէպ եւ ուրախ է, որ  քանի մը տարի հնարաւորութիւն  ունեցած է ծառայելու երկու բարեկամ երկիրներու յարաբերութիւններու սերտացման գործին: Ան շեշտեց, որ աւելի քան լաւատես է իրանահայկական յարաբերութիւններու ապագային հանդէպ, քանի որ այն ունի մեծ ներուժ եւ հիմնուած է դարերու փորձառութեան վրայ:

 Զրոյցին ընթացքին երկուստեք կարեւոր համարուեցաւ այն հանգամանքը, որ այս դժուար տարածաշրջանին մէջ Իրանը եւ Հայաստանը կը պահպանեն բարիդրացիական անկեղծ յարաբերութիւններ, որ մեծապէս կը նպաստէ տարածաշրջանի խաղաղութեան եւ կայունութեան:

a1

Scroll Up