Ազգերու Անտեան միութեան խորհրդարանը, որուն կազմին մէջ ընդգրկուած են Պոլիւիոյ, Քոլումպիոյ, Էքուատորի, Փերոյի եւ Չիլիի ներկայացուցիչները, ճանչցած է 1915-1923 թթ. Օսմանեան կայսրութեան իշխանութիւններուն կողմէ իրականացուած Հայոց ցեղասպանութիւնը եւ դատապարտած է զայն ժխտելու բոլոր փորձերը:

Agencia Prensa Armenia-ն կը յայտնէ, որ Էքուատորի ներկայացուցիչ Փետրօ տէ լա Գրուզի կողմէ ներկայացուած բանաձեւը միաձայն ընդունուած է Մոնթեւիտէոյի մէջ կայացած հանդիպումին:

Փաստաթուղթը կոչ կ’ընէ միջազգային հանրութեան «Ճանչնալ Հայոց ցեղասպանութեան պատմական փաստը` որպէս ճշմարտութեան ու արդարութեան անվերապահ սատարման քայլ»:

Ազգերու Անտեան միութիւնը ստեղծուած է 1969 թ.: Միութեան խորհրդարանը հիմնադրուած է 1979 թ., իսկ առաջին նիստը կայացած է 1984 թ.: