Թեհրանի մէջ հայկական ցուցահանդէսին լայնօրէն ներկայացուած կ’ըլլայ նաեւ սուրիահայերու գործարարութիւնը:

Այս մասին, ըստ Artsakhpress-ի, լրագրողներուն Սեպտեմբեր 16-ին յայտնած է Հայաստանի զարգացման հիմնադրամի տնօրէն Կարէն Մկրտիչեան, ներկայացնելով «Արմէնիա Էքսփօ 2016» ցուցահանդէսի մանրամասները, որ տեղի  պիտի ունենայ Թեհրանի մէջ Հոկտեմբեր 5-8, կը յայտնէ news.am-ը: Ցուցահանդէսին պիտի մասնակցի մօտ 80 հայկական ընկերութիւն, որոնցմէ մօտ 10-ը` սուրիահայերու ձեռնարկութիւններն են:

Կարէն Մկրտչեան շնորհակալութիւն  յայտնած է Միջազգային համագործակցութեան գերմանական գործակալութեան (GIZ)` հայկական պատուիրակութեան ուղեւորութիւնը կազմակերպելու հարցով աջակցութեան համար: «Իրանի նման խոշոր շուկան մեծ հնարաւորութիւններ է ստեղծում մեր արտադրողների համար: Իսկ մենք, մեր կողմից, մեր ցուցահանդէսներին հրաւիրել ենք ու շարունակում ենք հրաւիրել բիզնես –պպատուիրակութիւններ Իրանից»,- աւելցուցած է Մկրտիչեան: