ՀՀ սփիւռքի նախարարութեան «Կոմիտաս Վարդապետ» փառատօնի մասնակիցները սեպտեմբեր 29-ին ուղեւորուեցան Էջմիածին: Մայր Աթոռ Սուրբ Էջմիածինի մէջ կազմակերպուեցաւ այցելութիւն Գանձատուն:  Սեպտեմբեր 29-ին Հայ Եկեղեցին կը նշէր Ս.Խաչին նուիրուած չորս տօներէն մէկը` Վարագայ Ս. Խաչի տօնը: Այս առիթով բոլոր հայ եկեղեցիներուն մէջ կը մատուցուէր Սուրբ պատարագ: Փառատօնի
մասնակիցները ներկայ գտնուեցան Սուրբ Էջմիածինի Մայր տաճարի Պատարագին:

Պատարագէն ետք  Գէորգեան ճեմարանի փառատօնի մասնակիցները հանդիպում ունեցան Մայր Աթոռի Քրիստոնէական դաստիարակութեան կեդրոնի տնօրէն Տ. Վարդան վարդապետ Նաւասարդեանի հետ:

Հոգեւոր կատարումներով ելոյթ ունեցան Ռուսաստանի Դաշնութեան Հիւսիսային Օսէթիայի Հայ Առաքելական Եկեղեցւոյ «Ս. Գրիգոր Լուսաւորիչ» կամերային երգչախումբը (գեղ. ղեկավար` Ատելինա Գրիգորեան), Մոսկուայէն ժամանած «Նորահրաշ» երգեցիկ խումբը եւ «Ովսաննա»    երգչախումբը (գեղ. ղեկավար` Ելենա Բեգլարեան), Իրանի Թեհրան քաղաքի Արարատ կազմակերպութեան «Արարատ»
երգչախումբը (գեղ. ղեկավար` Արաքս Խաչատրեան), Սուրիոյ «Կռունկ» երգչախումբը (գեղարուեստական ղեկավար` Շահէ Քեշիշեան):

Մարիաննա Անանեան