Քլոէ Քարտաշեան Ֆէյսպուքի իր էջին վրայ գրած է.

«Կը խնդրեմ միանալ Հայոց Ցեղասպանութեան մասին ստորագրահաւաքին` աշխարհին տեղեկացնելու նպատակով:

Քոյրս եւ ես ոչ միայն կը փորձենք իրազեկել Հայոց ցեղասպանութեան, այլ ցեղասպանութիւններու եւ ընդհանրապէս մարդկային սպանդի մասին: Գիտելիքը ուժ է: Եթէ աւելի լաւ տեղեկացուած ըլլանք, յոյս կ’ունենանք, որ աւելի լաւ արարքներ կը գործենք:

Ցեղասպանութիւնները, կոտորածները, մարդկային սպանդը… ճղճիմ արարքներ են: Երկրի երեսէն  ամբողջ ազգ մը մաքրելը Աստուծոյ կամքը չէ: Մեր պարտքն է իրազեկել մարդոց պատմութեան այս էջերուն մասին: Մեր պարտքն է նաեւ չլռել, եթէ ինչ-որ տեղ, ինչ-որ ժամանակ մարդ արարածը ենթարկուած է տառապանքներու եւ ստորացման իր ազգութեան կամ հաւատքին համար: Լռութիւնը կը խրախուսէ տառապանք պատճառողին եւ ոչ թէ տառապանքներու ենթարկուածին»: