ԱՄՆ Ծերակոյտի արտաքին յարաբերութիւններու յանձնաժողովին մէջ Հայոց ցեղասպանութիւնը դատապարտող բանաձեւի ընդունումէն ետք  Թուրքիան յարձակում  սկսած է ԱՄՆ-ի դէմ:

ինչպէս կը հաղորդէ «Արմէնփրէս»-ը, ըստ թրքական turkishny.com լրատուական կայքին, Թուրքիոյ կառավարութեան մէջ այդ նպատակով յատուկ խումբ մը  ստեղծուած է, որու ղեկավար  նշանակուած է վարչապետ Ռեճէպ Թայիպ Էրտողանի գլխաւոր խորհրդական Իպրահիմ Քալընը: Խումբը պէտք է ակադեմական եւ քաղաքական դաշտին մէջ հակագործողութիւն ծաւալէ Հայոց ցեղասպանութեան 100-ամեայ տարելիցին հետ կապուած հայկական սփիւռքի աշխատանքներուն դէմ: Թրքական կառավարութեան առընթեր այդ մարմինը կը ծրագրէ ամբողջ աշխարհի մէջ 1915 թ. վերաբերեալ «Ինչ եղած է իրականութեան մէջ» թեմայով հանրային քննարկումներ, գիտաժողովներ եւ հանդիպումներ իրականացնել:

http://armenpress.am