2015-2016 տա­րեշր­ջա­նին կազ­մա­կերպ­ուած Սուր­իոյ Գի­տա­կան Ողոմպ­ի­ա­կա­նը այս տա­րի եւս մեծ ըն­դու­նե­լու­թիւն գտաւ աշա­կեր­տութ­եան մօտ: Անոնք մեծ խան­դա­վա­ռու­թեամբ իրենց մաս­նակ­ցու­թիւնը բե­րին սոյն մր­ցոյ­թին:

Սուր­իոյ Գի­տա­կան Ողոմպ­ի­ա­կա­նին Հայ Աւե­տա­րա­նա­կան Բե­թէլ Երկ­րոր­դա­կան Վար­ժա­րա­նէն մաս­նակ­ցե­ցան 10 աշա­կերտ-աշա­կեր­տու­հի­ներ. անոնք են.- Մաճ­տի Ալ Սալ­լում, Սա­րօ Ար­ման Չուլճ­եան, Շո­ղեր Գեր­պապ­եան, Մու­սա Շա­հուտ, Իպ­րա­հիմ Մր­ճա­նէ, Իպ­րա­հիմ Պատ­րօ, Սա­ի­իտ Իպ­րա­հիմ, Իլ­ի­աս Ֆա­րահ, Մու­համ­մատ Ապու Նգ­թա եւ Քրիստ Մի­նաս­եան: Վե­րո­յիշ­եալ աշա­կերտ­նե­րէն Քրիստ Չուլճ­եան, Մու­համ­մատ Ապու Նգ­թա եւ Իլ­ի­աս Ֆա­րահ առա­ջին եւ երկ­րորդ հանգըր­ուան­նե­րը շր­ջան­ցե­լով ար­ժա­նա­ցան իրենց վար­ժա­րա­նը ներ­կա­յաց­նե­լու Դա­մաս­կո­սի մէջ երկ­րի մա­կար­դա­կով կա­յա­ցած մր­ցա­շար­քին: Այ­նու­հե­տեւ Հայ Աւե­տա­րա­նա­կան Բե­թէլ Երկ­րոր­դա­կան Վար­ժա­րա­նի 10-րդ կար­գի աշա­կերտ Իլ­ի­աս Ֆա­րահ, բնա­գի­տու­թեան նիւ­թին մէջ, երկ­րի մա­կար­դա­կով գրա­ւեց երկ­րորդ դիր­քը:

Այս առի­թով Սուր­իոյ Հայ Աւե­տա­րա­նա­կան Հա­մայն­քի Հա­մայն­քա­պետ Վե­րա­պատ­ուե­լի Յա­րու­թիւն Սե­լիմ­եան, 26 Յուն­ուար 2016-ին, իր գրա­սեն­եա­կէն ներս հիւ­րըն­կա­լեց Իլ­ի­աս Ֆա­րահն ու ծնող­քը: Սոյն հան­դիպ­ման ըն­թաց­քին Վե­րա­պատ­ուե­լին բարձր գնա­հա­տեց Իլ­ի­ա­սի աշ­խա­տանքն ու ծնող­քին քա­ջա­լե­րան­քը, ապա ան նշեց, թէ նոյնիսկ երկ­րիս դի­մագ­րա­ւած թէժ պայ­ման­նե­րու բե­րու­մով ան­հատ­նե­րու կեան­-       քէն ներս, երբ կը պակ­սին կեն­ցա­ղա­յին տար­րա­կան պէտ­քե­րը, պան­ծա­լի երե­ւոյթ է ու­սում­նա­տենչ երի­տա­սարդ­նե­րու գո­յու­թիւն ու­նե­նա­լը, որոնք կը խթա­նեն իրենց շր­ջա­պա­տը: Վե­րա­պատ­ուե­լին նշեց նա­եւ, թէ սոյն մր­ցոյթ­նե­րը կը նպաս­տեն երկ­րի կր­թամ­շա­կու­թա­յին կեան­քի զար­գաց­ման, ինչ­պէս նա­եւ երի­տա­սարդ սե­րուն­դի կր­թու­թեան ու դաստ­ի­ա­րա­կու­թեան ազ­գան­ուէր առա­քե­լութ­եան շա­րու­նա­կու­թեան:

Հան­դիպ­ման ըն­թաց­քին Ֆա­րա­հի ծնող­քը յայտ­նեց, թէ Իլ­ի­աս ինչ­պի­սի դժ­ուա­րու­թիւն­ներ շրջանցելով եւ անն­կուն կամ­քով տի­րա­ցաւ այս ար­դիւն­քին: Վե­րա­պատ­ուելի­ին հետ կա­յա­ցած զրոյ­ցի ըն­թաց­քին Իլ­ի­աս Ֆա­րահ պար­զեց, թէ իր իղ­ձե­րը ու հե­ռան­կար­նե­րը ան­սահ­ման են: Ուս­տի Վե­րա­պատ­ուե­լին ար­ժե­ւո­րե­լով իր ձգ­տու­մը ակ­նար­կեց, թէ բա­ւա­րար­ուա­ծու­թիւնը մարդ արա­րա­ծին ամե­նա­մեծ թշ­նա­մին է, որուն հե­տե­ւան­քով ան­հա­տի հոգի­ին մէջ կը խամ­րի դէ­պի լա­ւը ձգ­տե­լու փա­փա­քը:

Այս մտեր­միկ հան­դիպ­ման աւար­տին վե­րա­պատ­ուե­լին պար­գե­ւատ­րեց Իլ­ի­աս Ֆա­րա­հը` նուի­րե­լով անոր 100.000 ս.ո. ու կր­թա­կան նպաստ` Հայ Աւե­տա­րա­նա­կան Բե­թէլ Երկ­րոր­դա­կան Վար­ժա­րա­նէն ներս մին­չեւ 12-րդ կարգ անվ­ճար իր ու­սու­մը շա­րու­նա­կե­լու: Հարկ է յի­շել, որ Իլ­ի­աս Ֆա­րահ այս առի­թով Դա­մաս­կո­սի մէջ պար­գե­ւատր­ուած է նա­եւ Առա­ջին Տիկ­նոջ Աս­մա Ասա­տի կող­մէ:

Լուսին Ապաճեան-ՉիլԱբոշեան

Գանձասար