Նոյեմբեր 1-ին, Գանատայի Թորոնթօ քաղաքին մէջ իր մահկանացուն կնքեց Օնթարիօ նահանգի Հայոց Ցեղասպանութեան վերջին վերապրողներէն Աստղիկ Չաքուճեանը։ Այս մասին կը յայտնէ Հորիզոն:

Աստղիկ Մուրատեան Չաքուճեանը ծնած էր Տիգրանակերտ, 1912-ին: 3 Տարեկանին ցեղասպանութենէն փրկուելով  ծնողքին հետ գաղթած եւ ապաստան գտած է Գամիշլի: 1935-ին կ’ամուսնանայ Մկրտիչ Չաքուճեանին հետ եւ կը բախտաւորուին 5 զաւակներով: 1971-ին վերջնականապէս կը հաստատուի Թորոնթօ, ուր հետագայ տարիներուն կը բախտաւորուի 7 թոռներով եւ 3 ծոռներով: