ՀՀ սփիւռքի նախարարութիւնը եւ ՀՀ ԳԱԱ Հ. Աճառեանի անուան լեզուի ինստիտուտը սիրով կը հրաւիրեն մասնակցելու «Արեւմտահայերէնի եւ արեւելահայերէնի մերձեցման խնդիրներ» համաժողովին, որ տեղի պիտի ունենայ 2015 թ. Յուլիս 29-30 ՀՀ ԳԱԱ նախագահութեան նիստերու դահլիճին մէջ:

Հայաստանի եւ Սփիւռքի մասնագէտները, մտաւորականները կը հրաւիրենք մասնակցելու քննարկումներուն`  հետեւեալ ուղղութիւններով.

1. Արեւմտահայերէնի պահպանութեան, գործառութեան, ուսուցման, կանոնարկման խնդիրներ.
2. Արեւմտահայերէնի եւ արեւելահայերէնի մերձեցման խնդիրներ.
3. Հայերէնի առջեւ ծառացած մարտահրաւէրներ:

Համաժողովին մասնակցիլ ցանկացողներուն կը խնդրենք յայտադիմումները ներկայացնել մինչեւ 2015 թ. Յուլիս 20:

Կը խնդրենք Ձեր զեկուցման դրոյթներն ու առաջարկութիւնները ուղարկել մինչեւ ս.թ. Յուլիս 25, lingvinst@sci.am  էլ. փոստով:

Համաժողովի մասին տեղեկատուութիւն կրնաք ստանալ` այցելելով ՀՀ սփիւռքի նախարարութեան կայքէջեր` www.mindiaspora.am, www.hayernaysor.am եւ ՀՀ ԳԱԱ Հ. Աճառեանի անուան լեզուի ինստիտուտի կայքէջ` www.language.sci.am:

Հարցերու կամ լրացուցիչ տեղեկութիւններու համար կրնաք զանգահարել ՀՀ սփիւռքի նախարարութեան համահայկական ծրագիրներու վարչութեան գիտակրթական ծրագիրներու բաժինի պետ Սիրվարդ Համբարեանին, հեռ` +374 010 58 56 01 (117)  եւ ՀՀ ԳԱԱ Հ. Աճառեանի անուան լեզուի ինստիտուտի հայոց լեզուի պատմութեան բաժինի վարիչ, բ.գ.թ., դոցենտ Գայեանէ Մխիթարեանին, հեռախօս` +374 55 35-12-85:

ՀՀ ՍՓԻՒՌՔԻ ՆԱԽԱՐԱՐՈՒԹԻՒՆ

ՀՀ ԳԱԱ Հ. ԱՃԱՌԵԱՆԻ ԱՆՈՒԱՆ ԼԵԶՈՒԻ ԻՆՍՏԻՏՈՒՏ