Յարգելի՛ գրողներ, սիրելի՛ հայրենակիցներ,

Ողջունում եմ Ձեզ օտարագիր հայ գրողների հինգերորդ համաժողովի կապակցութեամբ եւ համաժողովին մաղթում արգասաբեր աշխատանք:

ՀՀ սփիւռքի նախարարութեան եւ Հայաստանի գրողների միութեան այսհամատեղ ծրագիրը կոչուած է նպաստելու օտարագիր հայ գրողների ներուժի համախմբմանը, օտարագիր հայ գրականութեան ճանաչողութեան ընդլայնմանը, Հայրենիքի հետ հայ գրողների կապի ամրապնդմանը: Յուսով եմ` համաժողովը Հայրենիքում ազդակ կը դառնայ նոր գաղափարների եւ ստեղծագործական ներշնչանքի համար ու կը նպաստի Հայաստանի,Սփիւռքի ու Արցախի գրողների

համագործակցութեանը:

«Համաշխարհայնացում եւ ազգային ինքնութիւն». համաժողովի այս խորագիրն ամբողջութեամբ արտայայտում է հայ ժողովրդի առջեւ ծառացած ներկայ կարեւորագոյն մարտահրաւէրը` համաշխարհայնացման արդի պայմաններում ազգային ինքնութիւնը պահպանելու հրամայականը: Հայ ինքնութեան խնդիրների քննարկումը խիստ կարեւորեւ արդիական է այսօր, քանզի մեր ժողովրդի երկու երրորդն ապրում է աշխարհի տարբեր երկրներում` կրելով տարբեր լեզուների,մշակոյթների ու քաղաքակրթութիւնների  ազդեցութիւնը, որի հետեւանքով հայ ինքնութիւնը նաեւ որոշակի փոփոխութիւնների էենթարկւում: Օտար մշակութային ու

քաղաքակրթական միջավայրերում ապրող մեր ժողովրդի զգալի հատուածը ամէն օր պայքարում է իր ազգային «ես»-ը չկորցնելու համար:

Կը ցանկանայի նշել, որ Սփիւռքում ազգային ինքնութեան պահպանմաննու զարգացմանն է ուղղուած ՀՀ սփիւռքի նախարարութեան ծրագրերի զգալի մասը: Այսօր կարող ենք փաստել, որ մեծ ընդգրկում ու արձագանք են ստացել Սփիւռքի երիտասարդութեան հայրենաճանաչութեան եւկրթական ծրագրերը, որոնց մասնակցել են արդէն հազարաւոր երիտասարդներ: Կարեւոր է նաեւ սփիւռքահայ երիտասարդների համար մայրենիի իմացութեանն ուղղուած ձեռնարկների կազմակերպումը:

Հայ ինքնութեան պահպանման ու զարգացման գործում անշուշտ մեծ է հայգրողների դերը: Հայ գրողը

բոլոր ժամանակներում եղել է հասարակական կեանքի վրայ ակտիւ ներգործութիւն ունեցող, հայրենանուէր  անհատ, հայ մշակոյթի, հայի տեսակի պահպանման համար պայքարող առաջամարտիկ: Նիւթապաշտութեան այս դարաշրջանում դուք ստեղծում էք գրական արժէքներ` օտարագիր գրականութիւն, որը հայալեզու գրականութեան ոգին եւ շունչն է իր մէջ կրում: Մեր գրականութեան ակունքը նոյնն է, անկախ լեզուից: Երկուսն էլ սնւում են նոյն գրականերակից` հայ ժողովրդից, նրա

պատմութիւնից, ազգային աւանդոյթներից,անցեալի յիշողութիւններից: Երկուսն էլ ներկայացնում են

հայ ժողովրդիգրական ներուժը: Դուք` օտարագիր հայ գրողներդ, աշխարհին ճանաչելի էք դարձնում հայ մարդու տեսակը, նրա հոգեբանութիւնը, արժեհամակարգը,ազգային հիմնախնդիրները,

նրա ցաւը, պայքարը եւ ի հարկէյաղթանակները:

Դուք ունէք ձեր ընթերցողները, ձեր լսարանը, եւ տարբեր լեզուներով, ուղղակի կամ անուղղակի կարող էք բարձրաձայնել մեր ազգայինխնդիրների մասին` փորձելով նպաստել դրանց լուծմանը: Ձեզանից շատերը իրենց ստեղծագործութիւններով Հայոց ցեղասպանութեան եւԼեռնային Ղարաբաղի

հիմնախնդիրների վրայ են հրաւիրում միջազգային հանրութեան գրական եւ, ինչու չէ, ընթերցող հանրութեան շրջանակների ուշադրութիւնը:

Խնդրում եւ յորդորում եմ, միասնական լինենք համազգային հիմնահարցերի բարձրաձայնման առումով: Վստահ եմ` ցեղասպանութեան 100-ամեայ տարելիցի առիթով ձեզանից շատերը կը ստեղծեն մարդկութեան դէմ ուղղուած այդ յանցագործութիւնը ներկայացնող գրական գործեր:

Շնորհակալութիւն եմ յայտնում բոլորիդ համաժողովին ձեր մասնակցութեան համար եւ մաղթում արգասաբեր ու հետաքրքիր քննարկումներ: