Սուրիահայ երգչուհի Լենա Շամամեան, որ մօտակայ օրերուն կը պատրաստուի մենահամերգով հանդէս գալ Սթամպուլի մէջ, հայկական «Ակօս» շաբաթաթերթին հարցազրոյց մը տուած է:

Արաբական երաժշտութեան ասպարէզին մէջ լաւագոյն կատարողներէն մէկը հանդիսացող երգչուհին նշած է, որ հայկական երաժշտութիւնը իր ամենամեծ գանձն է:

«Աշ­­խարհի բո­­լոր հա­­յերուն պա­­րագան նոյնն է, պէտք է մեր ապ­­րած եր­­կիրնե­­րուն լե­­զուն լաւ գիտ­­նանք։ Առանց այս կա­­րողու­­թեան ինչպէ՞ս կա­­րելի պի­­տի ըլ­­լայ հա­­ղոր­­դակցիլ շրջա­­պատին հետ։ Շատ կա­­րեւոր էր ին­­ծի հա­­մար որ եր­­գեմ ու խօ­­սիմ արա­­բերէ­­ն։ Հայ­­կա­­­կան երաժշտու­­թիւնը սա­­կայն, կեան­­քիս ամե­­նէն մեծ գանձն է։ Այ­­սօր իսկ, նոյ­­նիսկ երբ արա­­բերէն է եր­­գածս, մար­­դիկ կ՚ըսեն թէ իրա­­կանու­­թեան մէջ հայերէն է որ կ՚եր­­գեմ, սա­­կայն արա­­բերէն բա­­ռերով։ Եւ եթէ չեր­­գեմ արա­­բերէն, արաբ­­նե­­­րուն հա­­մար ոչ մէկ բան պի­­տի նշա­­նակէ հայ­­կա­­­կան երաժշտու­­թիւնը, բայց երբ հայ­­կա­­­կան ազ­­դե­­­ցու­­թեամբ է որ կ’եր­­գեմ արա­­բական եր­­գե­­­րը, իրենք կը սոր­­վին թէ ինչ է հայ­­կա­­­կան երաժշտու­­թիւնը։ Սու­­րիոյ մէջ այսպէս եղած է նաեւ այլ աս­­պա­­­րէզ­­նե­­­րու պա­­րագա­­յին։ Բո­­լոր սու­­րիացի­­ները գի­­տեն որ հա­­յերը մաս կազ­­մած են ընդհա­­նուր հա­­սարա­­կու­­թեան, պա­­հելով հան­­դերձ իրենց իւ­­րա­­­յատուկ ինքնու­­թիւնը։ Ճանչցուած են որ­­պէս գոր­­ծունեայ եւ հա­­մերաշխ ժո­­ղովուրդ, որ ինչքան ալ մատ­­նուին դժուարու­­թիւննե­­րու, կա­­րողու­­թիւնը ու­­նին վե­­րապ­­րե­­­լու եւ վերստին կեր­­տե­­­լու։ Ին­­ծի հա­­մար ինքնու­­թեանս այս գի­­ծը միշտ շատ կա­­րեւոր եղած է»: Ըսած է Լենա Շամամեան:

Լենա Շամամեան սուրիահայ երգչուհի է, ծնած է Դամասկոս:  Սկսած է երգել հինգ տարեկանէն: Եղած է տարբեր միջզգային երաժշտական մրցոյթներու դափնեկիր: Ան Կ’երգէ արեւելեան ճազ: Բացի արաբական երգերէն Լենա Շամամեան կ’երգէ հայկական երգեր, որոնցմէ է «Սարերու հովին մեռնեմ» երգը: