Կիրակի, 26 Ապրիլ 2015-ին, երեկոյեան, կազմակերպութեամբ՝ Հայոց Ցեղասպանութեան 100-րդ տարելիցի Երիտասարդական Յանձնախումբի եւ Մասնակցութեամբ եւ նուագակցութեամբ Հ.Մ.Մ.-ի, Հ.Մ.Ը.Մ.-ի եւ Հ.Կ.Մ.-ի սկաուտական փողերախումբերուն, Դամասկահայեր արտայայտեցին իրենց պահանջատիրութեան ձայնը մոմավառութեան քայլարշաւի միջոցաւ: Քայլարշաւը սկիզբ առաւ Ալ Սալիպ եկեղեցւոյ ետեւ, Ալ Քասաա, ուր հայկական գաղթաւանն էր եւ յայտնի էր իբրեւ Խչերի Քամբ եւ ուղեւորուի դէպի «Հայոց Ցեղասպանութեան Սրբոց Նահատակաց Հրապարակ»:
Քայալշաւին կը մասնակցէին Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանը, ՀՀ Արտակարգ եւ Լիազօր Դեսպան Տոքթ. Փրոֆ. Արշակ Փօլատեանը, Դամասկոսի հոգեւոր Առաջորդները եւ 2500-է աւելի հոծ բազմութիւն մը:
Քայլարշաւի աւարտին՝ Տ. Արմաշ Եպս. Առաջնորդ Սրբազանը, Հայոց Ցեղասպանութեան Սրբոց Նահատակաց Հրապարակէն , արաբերէն լեզուով ընթերցեց համահայկական հռչակագիրը:

https://youtu.be/_q3h7GteA18