Գերմանիոյ Պունտեսթակի 101-րդ նիստը մեկնարկեց Հայոց ցեղասպանութեան մասին որոշման քննարկումով: Օրակարգին մէջ դրուած թեման կը կոչուէր «1915/1916թթ. հայերու զանգուածային սպանութիւններն ու տեղահանութիւնները»:

Ինչպէս կը յայտնէ News.am-ը, բացման խօսքով հանդէս եկաւ Պունտեսթակի նախագահ Նորպերթ Լամերթ, որ կատարուածը նկարագրելուն օգտագործեց ցեղասպանութիւն բառը:

«Յարգարժա՛ն տիկնայք եւ պարոնայք, կ’ողջունեմ ձեզ եւ Պունտեսթակի հիւրերը, որոնք առաջին անգամ  Պունտեսթակի մէջ են, եւ որոնց հրաւիրած ենք նիստի առաջին կէտի քննարկումներուն համար: Պունտեսթակը ուշադրութիւն կը հրաւիրէ պատմական դէպքերու վրայ, որոնք  հետեւանքներ  ձգեգին Թուրքիոյ եւ Հայաստանի միջեւ յետագայ յարաբերութիւններուն:

Ցեղասպանութիւնը արժանի է խստագոյն պատիժի: Այն  կը բնութագրուի իբրեւ ազգային, ցեղական եւ կրօնական խումբի ոչնչացում : Ատիկա  է, որ  տեղի ունեցաւ ողջ աշխարհի առջեւ: Եւ այդ ցեղասպանութիւն էր:

Եւ այդ վերջինը չէր  20-րդ դարուն: Մեր պարտաւորութիւնն է պատասխանատուութիւն  կրել: Գերմանացիները իրենց  սեփական փորձէն միւսներուն կոչ կ’ընեն սեփական պատմութեան առերեսուիլ, եթէ անգամ  ատիկա ցաւալի է:  Այդ  հայ եւ թուրք ազգերու հաշտեցման  պայմանն է: Ատոր մէջ իրենց մեղքի բաժինը ունեցան գերմանացիները, որոնք Օսմանեան կայսրութեան հետ դաշինքը  մարդկային կեանքերէն վեր դասեցին:

Պատմութիւնը կը հարկադրէ յիշել պատմական փաստերը:  Անխուսափելի է, որ որեւէ իրական խաղաղութիւն չի կրնար ըլլալ, քանի դեռ զոհերու սերունդները արդարութիւն կը պահանջեն`  յիշելով, թէ ինչ  կատարուած է իրականութեան մէջ: Այսօրուան Թուրքիան պատասխանատու չէ 100 տարի առաջ կատարուածին համար, սակայն ան կը կրէ ատոր հետեւանքներու պատասխանատուութիւնը, որ ատոր հետեւանքն է:

Ամէնէն առաջ նշեմ, որ սակայն եղած են շատ խիզախ քիւրտեր եւ թուրքեր, որոնք կանգնեցան հայերու կողքին` պատմութեան այս էջը փակելու համար: Ատոնց  մէջ են գրողներ, լրագրողներ, քաղաքապետներ, կրօնական առաջնորդներ: Նշեմ գրականութեան նոպելեան մրցանակի դափնեկիր Օրհան Փամուկը, Հրանդ Տինքը, որ իր  կեանքով վճարեց պատմական ճշմարտութիւնը ըսելու համար: Անոնք մարդիկ են, որոնք վաստակած են մեր աջակցութիւնը: Ասով մենք կ’ուզենք սկսիլ մեր այսօրուան քննարկումները»,- յայտարարեց Պունտեսթակի խօսնակը: