Սպանիոյ հայ համայնքէն ներս կը շարունակուին Հայաստանի Առաջին Հանրապետութեան 100-ամեակին նուիրուած ձեռնարկները: «Արարատ» հայկական միութեան հերթական նախաձեռնութեան հերոսները կիրակնօրեայ դպրոցի սաներն էին: Անոնք կտաւին յանձնած են Մայիսեան յաղթանակները խորհրդանշող հայաշունչ պատկերներ, որոնք ընդգրկուած են «Իմ Հայաստան» նկարչական մրցոյթին մէջ:

Ինչպէս «Հայերն այսօր»-ին կը յայտնեն միութենէն, մրցոյթին առաջին, երկրորդ եւ երրորդ տեղերը կիսեցին համապասխանաբար Ռոման Խաչատրեանը (8 տարեկան), Մոնիքա Գրիգորեանը (12 տարեկան) եւ Հելենա Ղուկասեանը (12 տարեկան):

Մրցանակներու յանձնման արարողութեան հրաւիրուած էին սիրուած դերասաններ Հայկ եւ Գոհար Սարգսեանները, որոնք եւ յանձնեցին մրցանակներն ու նուէրները:

Յիշեցնենք, որ օրեր առաջ դերասանները Միսլատայի մշակոյթի կեդրոնին մէջ հանդէս  եկած էին «Իմ տունը կամ անկախ ամէն ինչից» ներկայացման առաջնախաղով, որ նոյնպէս նուիրուած էր Հայաստանի Առաջին Հանրապետութեան 100-ամեակին:

Մայիսեան տօները Վալենսիոյ հայ համայնքին մէջ կ’եզրափակուին յաջորդ շաբաթ` հայկական դպրոցի ուսմասվար Սուետլանա Կարապետեանի հեղինակած «Հայրենիք» խորագիրը կրող ձեռնարկով: