Արգենտինայում Գրքի, գրադարանների և ընցերցանության խթանման գլխավոր տնօրինությունը Հայոց ցեղասպանության հարյուրերորդ տարելիցը ոգեկոչում է ընթերցանությանը նվիրված միջոցառմամբ:

Արգենտինայի Հայկական մամուլի կենտրոնի փոխանցմամբ, գրում է Արցախպրեսը, միջոցառման ժամանակ  պատմվածքներ կընթերցվեն  արգենտինահայ Խուան Կառլոս Բալասանյանի նոր «Քեզ կպատմեմ. հայ լինելու պատմություններ» գրքից:

Ընթերանությունը տեղի կունենա Բուենոս Այրեսի Ռիկարդո Գուիրալդեսի անվան գրադարանում՝ ապրիլի 8-ին` 19:00-ին:

Ընթերցող` Քրիստինա Ինես Փափազյան Narracdora:

Որպես հյուր հրավիրված է երգչուհի Վալերիա Չերեքյանը:

«Քեզ կպատմեմ» գիրքը գեղարվեստականորեն ներկայացնում է  այն պատմությունները, որոնք երեխա ժամանակ լսել եմ իմ մեծ մորից և մեծ հայրիկից: Գրքում ներկայացվում են նաև հարազատներից, հարևաններից լսած պատմությունները: Այն խառնուրդն է իրական պատմության  և գեղարվեստական մատուցման», – ասել է գրքի հեղինակը:

Գրքի պաշտոնական շնորհանդեսը կկայանա ապրիլի 15-ին՝ Պալերմոյում, Հայկական Բարեգործական Ընդհանուր Միության գրասենյակում (Բուենոս Այրես), որից հետ այն նախատեսվում է բաժանել Ռոսարիոյի, Կորդովայի և Բուենոս Այրեսի գրադարաններում: