Ռոտ Այլընտ հաստատուած Հայ ուսանողներու միութիւնը (ASA Inc.) կը տեղեկացնէ, թէ Արթուր Հալվաճեանի յիշատակին հաստատուած բանաստեղծական տարեկան չորրորդ մրցոյթին մասնակցելու համար, բանաստեղծութիւնները պէտք է ներկայացուին մինչեւ 28 Փետրուար 2014, իսկ մրցոյթին արդիւնքները պիտի հրապարակուին Մարտ ամսուան ընթացքին:
2010ին մահացած Արթուր Հալվաճեան եղած է Հայ ուսանողներու միութեան երկարամեայ անդամներէն մէկը ու մաս կազմած է անոր հոգաբարձութեան:
Մրցանքին հովանաւորն է Հայ բանաստեղծութեան ծրագիրը՝ առաջնորդութեամբ Լոլա Գունտաքճեանի:
Մրցումին կրնան մասնակցիլ Միացեալ Նահանգներ կամ Քանատա ապրողներ, իսկ բանաստեղծութիւնները կրնան ըլլալ անգլերէնով կամ հայերէնով: Բանաստեղծութիւնները պէտք է ուղարկել
ArmenianPoetryProject@gmail.com հասցէին՝ նշելով «Halvajian ASA/APP Poetry competition» տողը: Իւրաքանչիւր մասնակից միայն մէկ բանաստեղծութիւն կրնայ ներկայացնել:
Մրցոյթը բաժնուած է երեք մասի՝ 12էն 17, 18էն 22 եւ 23էն վեր տարիք ունեցողներու համար: Իւրաքանչիւր բաժինի մէջ առաջնութիւն շահողները պիտի ստանան յաջորդաբար՝ 50, 100 եւ 250 տոլարի նիւթական մրցանակ:
Յաւելեալ տեղեկութեանց համար, այցելել http://armenian-poetry.blogspot.com կայքը:

http://asbarez.com