Թուրքիայում գործող հայատյաց կազմակերպությունը, որը կոչվում է «Հայերի անհիմն պնդումների դեմ պայքարի միություն» (ASIMDER), նոր մասնաճյուղեր է բացել երկրի մի շարք շրջաններում (Գյունեյդողու, Մարմարա, Քարադենիզ և Էգեյան): Այս մասին հայտնում է Ermenihaber.am-ը:

Այդ մասին, ըստ «Հաբերլեր» լրատվականի, հանրությանը հայտնել է կազմակերպության նախագահ Գյոքսան Գյուլբեյը: Այդպիսով ASIMDER-ը, որի կենտրոնական շտաբը գտնվում է Իգդիրում, արդեն ներկայացուցչություններ ունի Թուրքիայի 8 նահանգներում: Գյուլբեյը նշել է, որ նպատակադրվել են ներկայացուցչություններ ունենալ Թուրքիայի բոլոր նահանգներում (81):

Նշենք, որ հակահայ գործունեություն ծավալող սույն կազմակերպությունն ադրբեջանական սերտ կապեր ունի, որոնք օգտագործում է ի վնաս հայության: Վերջերս ASIMDER-ը փոխհամագործակցության համաձայնագիր էր ստորագրել Վիեննայումգործող Ադրբեջանի մշակույթի և գործարարների կազմակերպության հետ: Դրանց հիմնական նպատակը 2015-ին ընդառաջ Եվրոպայում հակահայկական տրամադրություններ ստեղծելն է և հայկական լոբիի դեմ պայքարելը: