ՀՀ սփյուռքի նախարար Հրանուշ  Հակոբյանն ընդունեց Գերմանիայի Բրանդենբուրգի երկրամասի հայ համայնքի ներկայացուցիչներ՝ Հայաստան-Սփյուռք 5-րդ համաժողովի մասնակիցներ  տեր և տիկին Վահրամ և Ելենա Եկավյաններին:

Նախարարը բարձր գնահատեց Եկավյան ընտանիքի ներդրումը  Եվր ոպայում հայ մշակույթի տարածման և հանրահռչակման գործում:  Արդեն երկրորդ անգամ նրանք Գերմանիայի Բրանդենբուրգի երկրամասի Պրյոթցել ավանի իրենց մշակութային կենտրոնում հովանավորում  և  կազմակերպում են «Կոմիտաս» միջազգային փառատոնը:  2011-թ. տեղի է ունեցել առաջին փառատոնը, իսկ 2014թ՝. երկրորդը: Փառատոնի գլխավոր նպատակն է գերմանացի երաժշտասեր հասարակայնությանն ավելի մոտիկից ծանոթացնել մեծ երգահան Կոմիտասի ժառանգությանը։

Քննարկվեց Գերմանիայի հյական դպրոցներին մեթոդապես օգնելու, ուսուցիչների վերապատրասման  և այլ կրթական խնդիրներ:

Հայ մշակույթի տարածմանը, զարգացմանն ու հայապահպանությանը նպաստելու, կոմիտասյան երաժշտությունը  տարածելու և եվրոպացի հանդիսատեսին ճանաչելի դարձնելու  գործում ունեցած մեծ ավանդի համար Հրանուշ Հակոբյանը  Վահրամ Եկավյանին պարգևատրեց  ՀՀ սփյուռքի նախարարության «Կոմիտաս» մեդալով:

Վահրամ Եկավյանը շնորհակալություն հայտնեց բարձր պարգևի համար և առաջարկեց համագործակցել՝ իրականացնելով հայկական մշակույթի տարածմանն ու հայապահպանությանն աջակցող ծրագրեր:

Նա բարձր գնահատեց Հայաստան-Սփյուռք համաժողովը աշխատանքները և նշեց , որ այն նոր ազգդակներ կհաղորդի սփյուռքի կարող ուժերին: