«Բերիոյ Նիուզ» կը հաղորդէ, որ երէկ` հինգշաբթի, 3 յուլիս 2014-ին, կէսօրէ ետք ժամը 4:30-ին, զինեալ խմբաւորումներուն կողմէ կրկին Նոր Գիւղի հայահոծ շրջանը թիրախ դարձաւ հրթիռաձգութեան:

Կազի տակառէ պատրաստուած հրթիռի պայթումին պատճառով արձանագրուեցան զոհեր` սուրիական բանակի ծառայողներ եւ շրջանի տեղացի բնակիչներ, ինչպէս նաեւ վիրաւորներ,  որոնց մէկ մասը տակաւին հիւանդանոցին մէջ բուժում կը ստանայ:

Վիրաւորներուն կարգին են Յարութ Չորպաճեան եւ Դաւիթ Մէյխանաճեան:

Յայտնենք, որ շրջանի խանութները եւ բնակարանները բաւական լուրջ վնասներ կրեցին:

«Ազդակ»