Եվրոպայի Հայ դատի հանձնախումբը 2014-ի հոկտեմբերը կհայտարարի «Արցախի ամիս»: Բելգիայի, Հոլանդիայի, Ֆրանսիայի եւ Գերմանիայի Հայ դատի հանձնախմբերի, ինչպես նաև Արցախի ներկայացուցչության հետ գործակցելով՝ կիրականացվեն տարբեր ձեռնարկներ եւ ցուցադրություններ: Այս մասին «Արմենպրես»-ին տեղեկացրին ՀՅԴ Եվրոպայի Հայ դատի հանձնախմբից:

Հայաստանի, Արցախի եւ այլ վայրերի արվեստագետների, մտավորականների ներկայությամբ ամբողջ հոկտեմբեր ամսվա  ընթացքում տեղի կունենան գրքերի շնորհանդեսներ, նկարչական եւ այլ ստեղծագործական ցուցադրություններ, ֆիլմերի ներկայացումներ: Ղարաբաղյան զինադադարի քսանամյակի առիթով Եվրոպայի Հայ դատի հանձնախումբը , շրջանային հանձնախմբերի հետ, միջազգային հանրության և քաղաքական շրջանակների ուշադրությանը կներկայացնի  Արցախի Հանրապետության ՝ այսօր կայացած պետություն լինելու հանգամանքը, որի հետ պետք է հաշվի նստեն Լեռնային Ղարաբաղի հակամարտության լուծումներ առաջարկող կողմերը:

1991թ. սեպտեմբերի 2-ին ժողովրդական պատգամավորների Լեռնային Ղարաբաղի մարզային և Շահումյանի շրջանային խորհուրդների համատեղ նստաշրջանը հռչակեց Լեռնային Ղարաբաղի Հանրապետությունը նախկին ԼՂԻՄ և Շահումյանի շրջանի սահմաններում:

Մանրամասները՝ armenpress.am կայքում: