ՀՀ մշակույթի նախարարության և Հայաստանի պետական ֆիլհարմոնիկ նվագախմբի նախաձեռնությամբ՝ ս. թ. հունիսի 15-ին, ժամը 19:00-ին «Արամ Խաչատրյան» համերգասրահում՝ Հայաստանի պետական ֆիլհարմոնիկ նվագախմբի հետ (դիրիժոր Էդուարդ Թոփչյան) հանդես կգան անվանի ջութակահար Սերգեյ Խաչատրյանը և թավջութակահար Նարեկ Հախնազարյանը:

Ծրագրում կհնչեն Բրամսի ջութակի, թավջութակի և նվագախմբի համար կրկնակի կոնցերտը, ինչպես նաև Բրամսի N 2 սիմֆոնիան:

Ս. թ. հունիսի 13-ին, ժամը 15:00-ին, «Գոլդն Թուլիփ» հյուրանոցի «Վիվալդի» սրահում Հայաստանի պետական ֆիլհարմոնիկ նվագախմբի և աշխարհահռչակ երաժիշտներ Սերգեյ Խաչատրյանի (ջութակ) և Նարեկ Հախնազարյանի (թավջութակ) համատեղ համերգին նվիրված մամուլի ասուլիսին մասնակցում էին ՀՀ մշակույթի նախարարության աշխատակազմի ժամանակակից արվեստի վարչության պետ Սեյրանուհի Գեղամյանը, Սերգեյ Խաչատրյանը, Նարեկ Հախնազարյանը, Էդուարդ Թոփչյանը:  Այս մասին տեղեկանում ենք ՀՀ մշակույթի նախարարության պաշտոնական կայքից: