Մայիսի 27-ին ՀՀ դեսպանության աջակցությամբ, Մոսկվայի մարզի Դոլգոպրուդնի քաղաքի հայ համայնքի կիրակնօրյա դպրոցի խնդրանքով կազմակերպվել էր հիշյալ դպրոցի սաների ճանաչողական շրջայցը ՀՀ դեսպանություն:

Դեսպանության անձնակազմի ուղեկցությամբ աշակերտներին հնարավորություն ընձեռվեց այցելելու Լազարյան ճեմարանի 200 տարվա պատմություն ունեցող դեսպանության մասնաշենքը, ունկնդրելու Լազարյան ընտանիքի պատմությունը, ծանոթանալու դեսպանության տարածքում պահպանված պատմական և մշակութային մեծ արժեք ներկայացնող հուշակոթողներին: Շրջայցի ընթացքում դպրոցի սաները դպրոցի հայոց լեզվի և գրականության ուսուցչուհի Ս.Խուդավերդյանի և դեսպանության  դիվանագետների ուղեկցությամբ այցելեցին դեսպանության թանգարան, որտեղ ծանոթացան Լազարյան ընտանիքի և դեսպանության պատմությանը վերաբերող հնագույն փաստաթղթերին:

Շրջայցի ավարտին դպրեցի սաները ներկաներին մատուցեցին գեղեցիկ երաժշտական ելույթ՝ հանդես գալով հայ դասական պոեզիայի ընթերցմամբ:

Միջոցառումը կազմակերպվել էր և անցկացվեց դեսպանության խորհրդական Մ.Բաբայանի և երկրորդ քարտուղար Վ.Մելքումովայի աջակցությամբ: Այս մասին «Հայերն այսօր»-ին հայտնեցին Մոսկվայում ՀՀ դեսպանությունից: