Ուրուգվայի հայկական կազմակերպությունները երկրի նախագահին խնդրել են ԱՄՆ-ի նախագահին ներկայացնել Հայոց ցեղասպանության ճանաչման հարցը:

Միացյալ Նահանգների նախագահ Բարաք Օբաման Ուրուգվայի նախագահ Խոսե Մուխիկային Սպիտակ տանն ընդունելու է մայիսի12-ին: Հայոց ցեղասպանության 100-րդ տարելիցի հայկական կազմակերպությունների հանձնաժողովը նամակ է հղել նախագահ Մուխիկային, որով ԱՄՆ կատարելիք պաշտոնական այցելությանը հաջողություն մաղթելով հանդերձ, խնդրում է Օբամային փոխանցել Ուրուգվայի հստակ դիրքորոշումը Հայոց ցեղասպանության իրողությանը: Նամակում նաեւ նշված է, որ Ուրուգվայում բացվելու է Հայոց ցեղասպանության պետական թանգարան:

Նամակը ստորագրել են Ուրուգվայի հայկական բոլոր եկեղեցիների, բոլոր կուսակցությունների եւ գրեթե բոլոր հայկական կառույցների ներկայացուցիչները:

Մանրամասն՝ yerkirmedia.am-ում: