Հաագայում ՀՀ նախագահ Սերժ Սարգսյանի հայտարարությունը Քեսաբում  տեղի ունեցած իրադարձությունների վերաբերյալ ՀՀ  սփյուռքի նախարարության խողովակներով ուղարկվել է բոլոր սփյուռքյան համայնքներին և համահայկական  կազմակերպություններին՝ խնդրելով բողոքի ձայն բարձրացնել քեսաբահայության, սիրիահայության պաշտպանության, ինչպես նաև նյութական օգնության համար:

Ամբողջ հայությունը  համախմբվել է  Քեսաբի պաշտպանության համար:

Մենք մեր խորին երախտագիտությունն ենք հայտնում համահայկական կազմակերպություններին, ՀԲԸՄ եկեղեցական կառույցներին, թեմերին, շտապօգնության մարմիններին, Հայ դատի գրասենյակներին, ավանդական կուսակցություններին, ՀՕՄ-ուհիներին, երիտասարդական, բարեգործական կազմակեպություններին բողոքներ, ցույցեր կազմակերպելու, օժանդակության ցուցաբերելու, քեսաբահայերին զորակցելու համար:

 Ամեն օր կապի մեջ ենք Սիրիայում մեր դեսպանի և քեսաբահայության ներկայացուցիչների հետ:

Մենք, ևս մեկ անգամ, հորդորում ենք համայնքային կառույցներին ուժեղացնել ազդեցությունը և պահանջները Քեսաբը զավթիչներից մաքրելու, առաջիկայում խաղաղություն հաստատելու, որպեսզի քեսաբահայերը վերադառնան իրենց պատմական բնօրրանը:

ՀՀ սփյուռքի նախարարություն