Փետրվարի 18-ին Մոսկվայի Կոմպոզիտորների տան Մեծ դահլիճում տեղի է ունեցել համերգ՝ նվիրված Մոսկվայի հայ համայնքի վառ ներկայացուցիչ, կոմպոզիտոր, ՌԴ արվեստի վաստակավոր գործիչ Իրինա Մանուկյանի հիշատակին: Երեկոն կազմակերպվել էր Ռուսաստանի հայերի միության կողմից`  Մոսկվայի Կոմպոզիտորների միության հետ համատեղ:

Միջոցառմանը բացման խոսքով հանդես է  եկել  Մոսկվայի կոմպոզիտորների միության վարչության նախագահ Օ.Գալախովը:

ՌԴ վաստակավոր արտիստ Վ.Բուլախովի գեղարվեստական ղեկավորությամբ Մոսկվայի «Времена года» կամերային նվագախմբի կատարմամբ հնչել են  ռուս դասական երաժշտության կատարումներ, ինչպես նաև Ի.Մանուկյանի ստեղծագործությունները:

Միջոցառմանը ներկա է գտնվել դեսպանության երկրորդ քարտուղար Վ.Մելքումովան:

Այս մասին «Հայերն այսօրին» տեղեկացնում են ՌԴ-ում ՀՀ դեսպանության մամուլի ծառայությունից: