Հոկտեմբերի 15-ին Ուկրաինայի Յալթա քաղաքից Երևան  ժամանեց Հայ սև գոտիների ասոցիացիայի քունք ֆուի հավաքականը, որը մեկնել էր Ուկրաինա՝ մասնակցելու Եվրոպայի քունք ֆուի գավաթի բաց առաջնությանը: Ինչպես նշեց ասոցիացիայի նախագահ Արմեն Հարությունյանը,  «առաջնությունն անց էր կացվում քունք ֆու մարտարվեստի «թաուլու» (կոմպլեքս վարժությունների ցուցադրում), «թույշոու» (թայ չի չուան մարտարվեստի մենամարտային ձև) և «սանդա» (լրիվկոնտակտային մենամարտ) ոճերում: Առաջնությանը մասնակցում էին վեց  երկրների 35ակումբներ: Մեր 9 մարզիկներից բաղկացած հավաքականը հանդես է եկել սանդաոճում՝ նվաճելով 5 ոսկե և մեկ արծաթե մեդալ՝  ընդհանուր թիմային       հաշվարկով գրավելով 3-րդ տեղը»:

 Ասոցիացիայի ավագ մարզիչ Սարգիս Հարությունյանը նշեց, որ առաջին անգամ էին մասնակցում այդպիսի բարձրակարգ առաջնության, և տպավորված է մասնակից մարզիկների բարձր վարպետությամբ: Հավաքականի        մարզիկները նշեցին, որ օրվա հերոս համարում են Հենրիկ Ազատյանին,ով հանդես   գալով իր տարիքային կարգից բարձր կարգում՝ եզրափակիչ  փուլում ջախջախել է ադրբեջանցի մարզիկին և գրավել առաջին տեղը:

Ա. Հարությունյան