Արևմտահայերեն
Русский
EnglishԲունդեսթագում Հայոց ցեղասպանության բանաձևի ընդունումը 100 տարով ուշացած է. քուրդ պատգամավոր
Թուրքիայի «Ժողովուրդների դեմոկրատիա» քրդամետ կուսակցության համանախագահ Սելահաթին Դեմիրթաշը անդրադարձել է Գերմանիայի Բունդեսթագում Հայոց ցեղասպանությունը ճանաչող և դատապարտող բանաձևի ընդունմանը:
Ինչպես ներկայացնում է Tert.am-ը` հղում կատարելով Kurdish Question կայքին, պաշտոնական այցով Շվեյցարիայում գտնվող Դեմիրթաշը, մամլո ասուլիսի ժամանակ պատասխանելով բանաձևի ընդունման մասին հարցին, նշել է, որ այն «100 տարով ուշացած որոշում է»:
«Այս որոշումը կայացվել է 100 տարի ուշացումով: Այսօր էլ քրդերին են կոտորում: Եթե Գերմանիան այդ մասին որոշում կայացնի 100 տարի անց, այն անիմաստ կլինի… Մերկելը բազմաթիվ անգամներ այցելել է Թուրքիա, սակայն այնպես է վարվել, ասես ոչինչ տեղի չի ունենում», – ընդգծել է Դեմիրթաշը:
