Դեռևս օգոստոս ամսին Ուզբեկստանի նախագահ Ի.Ա.Կարիմովի հրամանագրով Ուզբեկստանի հայկական ազգային մշակութային կենտրոնի  (ՈՒՀԱՄԿ) նախագահ Մարտին Սեթյանը պարգևատրվել է Ժողովուրդների բարեկամության «Դուստլիկ» շքանշանով։ Այս մասին հայտնում է «Հայերն այսօր»-ը:

Այս պարգևը կարևորվում է նաև նրանով, որ Մարտին Սեթյանն առաջին հայն է, ով 1994 թվականից մինչև օրս, այսինքն՝ շքանշանի սահմանումից  սկսած, արժանացել է Ուզբեկստանի պետական այս բարձրագույն պարգևին։

Այսօր՝ դեկտեմբերի 2-ին,  Տաշքենդում կայացել է պարգևի հանձման արարողությունը։

Շնորհավորում ենք մեր հայրենակցին և հույս հայտնում, որ նա  նույն ոգևորությամբ ու նվիրումով կշարունակի իր հայապահպան գործունեությունը՝ ի նպաստ Հայրենիք-Սփյուռք գործակցության զարգացման,  ազգային, մշակութային և հոգևոր զարկերակի զորացման: