Հիշեցնենք, որ հուլիսի 9-ին երկու անհայտ անձ սև դիմակներով մտել են պատկերասրահ, ատրճանակի նման առարկայով սպառնացել պատկերասրահի տնօրենին և արվեստաբանին, նրանց կապել: Դրանից հետո պատկերասրահից գողացել են Այվազովկսու և Պոլենովի կտավները, ևս մեկ նկար, որի հեղինակն անհայտ է: Հասցված վնասը կազմում էր ավելի քան 7,5 միլիոն ռուբլի:

Օպերատիվ-հետախուզական աշխատանքների արդյունքում ձերբակալվել են Կալուգայի երկու բնակիչ՝ 31-ամյա և 33-ամյա տղամարդիկ, որոնցից մեկը նախկինում դատապարտված է եղել: Նրանցից առգրավվել են Այվազովկսու և Պոլենովի կտավները, իսկ անհայտ նկարչի աշխատանքը ոստիկանները հայտնաբերել են մայրաքաղաքի գրավատներից մեկում: