17/07/2015   Նորություններ   No comments

Կորեացի խորհրդարանականները ծաղկեպսակ են դրել Ցեղասպանության հուշակոթողին

Պաշտոնական այցով Հայաստանում գտնվող Կորեայի Հանրապետության Ազգային ժողովի Կորեա-Հայաստան բարեկամական խմբի ղեկավար Նո Յոու Մին եւ խմբի անդամները հուլիսի 17-ին ՀՀ ԱԺ Հայաստան-Կորեա բարեկամական խմբի ղեկավար, պատգամավոր Սամվել Ֆարմանյանի եւ Ճապոնիայում ու Հարավային Կորեայում ՀՀ արտակարգ եւ լիազոր դեսպան Հրանտ Պողոսյանի ուղեկցությամբ այցելել են Ծիծեռնակաբերդի հուշահամալիր։

ՀՀ ԱԺ հասարակայնության և տեղեկատվության միջոցների հետ կապերի վարչության փոխանցմամբ՝ Կորեացի խորհրդարանականները Կորեա-Հայաստան բարեկամական խմբի անունից ծաղկեպսակ են դրել 1915 թվականի Հայոց ցեղասպանության հուշակոթողին, ծաղիկներ խոնարհել անմար կրակի մոտ եւ լռությամբ հարգել սուրբ նահատակների հիշատակը։

Նրանք եղել են նաեւ Հայոց ցեղասպանության թանգարան-ինստիտուտում, ծանոթացել Հայոց մեծ եղեռնը հավաստող փաստաթղթերին ու վավերագրերին, դիտել լուսանկարներն ու ցուցանմուշները։

Նրանք նաեւ գրառում են կատարել հուշամատյանում։

  1. «Տասը դաս` մի ցեղասպանության մասին». Օսմանյան կայսրության ծնունդը ժամանակավրեպ էր
  2. Այսօր Թեհրանում կմեկնարկի Հայոց ցեղասպանության 100-րդ տարելիցին նվիրված ձեռնարկների շարքը
  3. (English) ��?Chhange’ to Commemorate 100th Anniversary of the Armenian Genocide
  4. «2 քայլ, 1 րոպե` հանուն 1,5 միլիոնի» ակցիայի հաջորդ հասցեատերը Գերմանիան է. կոչ է արվում ճանաչել Հայոց ցեղասպանությունը
Scroll Up