Հալեպում շարունակվում են բնակելի թաղամասերի վրա հրթիռակոծություններն ու զինված բախումները:

«Գանձասար» շաբաթաթերթի ֆեյսբուքյան էջի փոխանցմամբ՝ հալեպահայությունը կյանքի անապահովության հետ մեկտեղ կանգնել է  մեծ դժվարությունների առջև:  Տնտեսական սղաճը, գործազրկությունն ու սիրիական լիրայի համեմատական անկումն անելանելի կացության են մատնել հատկապես բազմանդամ ընտանիքներին: Մյուս կողմից՝ էլեկտրականության, ջրի անջատումները, համացանցի ծառայության ավելի քան 40 օր  տևած ընդհատումներն առավել  ծանր են դարձրել Հալեպի բնակչության առօրյան:

Այսուհանդերձ, հայկական միությունները դժվարին պայմաններում շարունակում են գործել և համախմբել հայ երիտասարդությանը, որը միշտ պատրաստակամությամբ և բարձր գիտակցությամբ շարունակում է ծառայել համայնքին: