Ապրիլի 23-ին, ժամը 19:00-ին Ջավախքի Կուլիկամ գյուղում սկսվեց ջահերով երթն ի հիշատակ Մեծ Եղեռնի: Գյուղի հանրային դպրոցի երիտասարդ ուսուցիչների նախաձեռնությամբ հավաքվել էին գյուղի երիտասարդությունն ու դպրոցականները:

Երթը սկսվեց նորաբաց խաչքարի մոտից եւ պաստառներով, Հայաստանի ու Վրաստանի դրոշներով շարունակվեց դեպի եկեղեցի, ուր ուղիղ ժամը 19:15-ին հարյուր անգամ հնչեցին զանգերը, ապա այրվեց Թուրքիայի դրոշը: Երթը շարունակվեց եկեղեցում աղոթքով, այնուհետև երթի մասնակիցները մի մասը շարժվեց դեպի Ախալքալաք՝ քաղաքի ջահերով երթին մասնակցելու:

Ժամը 21:00-ից գյուղի երիտասարդների նախաձեռնությամբ բարձր լեռան վրա վառվեց ավելի քան 220 անիվներ գրված «100» թիվն որպես մի ջահ՝ նշանավորելու Եղեռնին հաջորդող հարյուրամյա մեր պատմությունը…

Տաթեւ Կոբելյան, Կուլիկամ, Ջավախք
Ջավախք Մեդիա

akhaltskha.net